გაზაფხულის ძეგლი

თემა: გაზაფხული - სილამაზის გამარჯვება
მეთოდი: სწავლა კეთებით
გაზაფხულზე რამდენიმე ნაწარმოების შესწავლის შემდეგ რეფლექსიისთვის შევარჩიეთ აქტივობა ,,გაზაფხულის ძეგლი". ამავე დროს მოსწავლეებს ვთხოვეთ, დაკვირვებოდნენ საკუთარ განცდებს, შეგრძნებებს, განწყობას. ამის შემდეგ გაზაფხულს ძეგლი დავუდგით. ყველამ თავისი როლი აირჩია: ხელებგაშლილი თორნიკე მზეა და სხივებს უგზავნის დედამიწას, ანი - აყვავილებული ხე. თემომ თბილი ქვეყნებიდან მოფრენილი ჩიტის როლი აირჩია და ფრთების ქნევით დარბის, მეგი, ნინი, თედო და გიო ყვავილები და ბუჩქები არიან, თან იფურჩქნებიან.